جامعہ کا نصاب تعلیم اوراس کے فوائد

اللہ رب العزت جل مجدہ کا کروڑہا احسان جس نے جامعہ کوبانی ایسا عطا فرمایا جس کی دور اندیش ،ہمہ گیر اور گہری نظر کی دوردور تک مثال نہیں ملتی ،عربی اداروں کے نصاب تعلیم میں جزوی ترمیم وتبدیلی ہرجگہ پائی جاتی ہے اور زمانے کاتقاضا ملحوظ رکھناضروری ہوتاہے ،حضور بانی جامعہ مدظلہ العالی نے جامعہ کی ابتداسے جن امور پر توجہ مرکوز فرمائی اورنصاب میں تبدیلی کوضروری سمجھا وہ تبدیلیاں کئی سالوں کےبعد بڑے بڑے دانشور علمانے اپنے اداروں میں لازمی قرار دیں،ماہ نامہ اشرفیہ جون 2008ء میں مضمون تنظیم المدارس اور نصاب تعلیم ،، کےتحت حضرت علامہ محمداحمد مصباحی مدظلہ العالی نے جن ترمیمات کاذکر کیا حضوربانی جامعہ 1427ھ میں ہی یہ تبدیلی جامعہ صدیقہ کے نصاب میں کرچکے تھے،آگے تنظیم المدارس کی چند دفعات پیش کررہے ہیں پھر جامعہ صدیقیہ کانصاب تعلیم دیاجائےگا جس سے دونوں کی یگانگنت بخوبی ظاہر وباہر ہوجائےگی ، اولاًتنظیم المدارس کی ان دفعات کو دیکھیں جو خیرالاذکیا علامہ محمد احمد مصباحی نے ذکرفرمائی ہیں،موصوف گرامی اس تنظیم کے تیار کردہ نصاب کی خصوصیات کونمبروائز یوںتحریرفرماتےہیں:

(۱) قرآن تمام علوم کا سرچشمہ اورجملہ عقائدواعمال کاماخذومصدرہے ،مگرسابقہ نصاب کی دس سالہ مدت میں اس کی تعلیم دس بارہ پارے سے زیادہ نہ ہوتی تھی،اس نصاب میں کوشش کی گئی ہے کہ ترجمہ یاتفسیرکے ذریعہ پورے قرآن کریم کااجمالی یاقدرےتفصیلی درس ومطالعہ ہوجائے ۔

(۲)سابقہ نصاب میں صحاح ستہ سے صرف تین کتابیں صحیح بخاری ،صحیح مسلم اورجامع ترمذی زیر درس تھیں ،اس نصاب میں بقیہ تین کتب سنن ابوداؤدسنن نسائی اور سنن ابن ماجہ کے ابواب بھی شامل کیے گئے ہیں تاکہ طالب علم کم ازکم صحاح ستہ سے ایک حد تک بلاواسطہ روشناس ہوجائے ۔

(۳)علاوہ ازیں مشکوۃ المصابیح ،صحاح ستہ اوران کے علاوہ متعدد کتب حدیث کے جامع اورنفیس انتخاب پرمشتمل ہے مگر درس میں سوسواسوصفحات سے زیادہ نہ آتے ،اس نصاب میں اسے ڈیڑھ سال زیردرس رکھ کر زیادہ سے زیادہ احادیث کریمہ مطالعہ میں لانے کی کوشش کی گئی ہے ،اس لیے کہ حدیث رسول اسلامیات کاماخذ دوم اورشارح قرآن حکیم ہے ۔

(۴)تصوف کی کوئی کتاب باضابطہ داخل درس نہ تھی جس سے بڑی کمی کا احساس ہوتاتھا ،اس نصاب میں :

(الف) حجۃ الاسلام امام غزالی (450-505ھ )کی مختصر اورجامع کتاب منہاج العابدین شامل کی گئی ہے ۔

(ب)مشکوۃ شریف مکمل کرنا لازمی جس کے کتاب الرقاق کے مضامین تصوف اوراہل تصوف کاخاص ماخذ ہیں اوراخلاق واحسان کاحامل بنانے میں احادیث کریمہ کااپنااہم کردارہے ،دل ودماغ میں کلمات رسول علیہ الصلوۃ والسلام کی اثر آفرینی کاایک خاص امتیاز اوربلند مقام ہے ۔

(۵) فقہ کے درس میں عموماً کتاب الطہارۃ ،کتاب الصلوۃ ،کتاب البیوع ،کتاب النکاح ،کتاب الطلاق کے چندابواب ہوتے تھے تمام فقہی ابواب بہ طورمتن بھی نظرسے نہ گزرتے،اس نقص کودورکرنے کےلیے نورالایضاح سے طہارت وعبادات اور قدوری سے بقیہ فقہی ابواب کوشامل کیا گیاہے ،اصول فقہ کی کوئی کتاب مکمل نہ ہوتی تھی اب پوری اصول الشاشی داخل درس ہے ۔

(۶) آج یہ ستم بھی ہورہاہے کہ بہت سے مدارس میں کچھ ایسے مدرسین نظرآتےہیں جوچھ ماہ میں میزان ومنشعب اورنحو میر اور سال بھرمیں علم الصیغہ وہدایۃ النحوبھی مکمل نہیں کرتےبلکہ ان میں سے ہرکتاب کے چنداوراق پڑھاکریہ سمجھتے ہیں کہ ہم نے طلبہ اورادارے پربڑا احسان کردیا،جبکہ یہ کھلاہوا ظلم ہے ،پھرانتظامیہ کی جانب سے کوئی گرفت بھی نہیں ہوتی اور طلبہ کوہرسال اگلے درجہ کےلیے ترقی ملتی جاتی ہے اوروہ ایک کھوکھلے درخت یاپوست بے مغزکی صورت میں اداروں سے فارغ ہوجاتے ہیں ،ذمہ داری کااحساس اورخداکاخوف کم وبیش ہرجگہ سے رخصت ہوتا جارہاہے۔اس نصاب میں صرف ،نحو،ادب ،منطق،بلاغت،فقہ،اصول فقہ،اصول حدیث وغیرہ فنون کی بنیادی کتابیں مکمل طورپر شامل کی گئی ہیں کیونکہ ان کے بغیرذی استعداد مولوی یاعالم بنانے کاتصورایک دل چسپ خواب سے زیادہ حیثیت نہیں رکھتا،انتظامیہ اور اساتذہ دونوں کی ذمہ داری ہے کہ نصاب کی تکمیل سے غفلت روانہ رکھیں ۔

(۷)فارسی زبان بھی داخل نصاب رکھی گئی ہے جس کی دووجہیں ہیں ،ایک یہ کہ اردومیں فارسی کے بہت سے الفاظ اورتراکیب داخل ہیں جنھیں اچھی طرح سمجھنے ، بولنے اورلکھنے کےلیے فارسی سے آشنائی ضروری ہے ،دوسری وجہ یہ ہےکہ بہت سارا دینی وعلمی ذخیرہ فارسی زبان میں بھی ہے ،اس سے استفادے اوراس کی عقدہ کشائی کےلیے فارسی میں مہارت ضروری ہے 12 ۔

اب ذرا جامعہ صدیقیہ کے حالیہ نصاب کو دیکھیں جو1427ھ سے رائج ہے جس میں مذکورہ بالااکثر امور آپ ضرور پائیں گے ۔

مقدارخواندگی ومقدارامتحان درس نظامی جامعہ صدیقیہ سوجا شریف 46۔1445ھ

جماعت اولی

جماعت ثانیہ

جماعت ثالثہ

جماعت رابعہ

جماعت خامسہ

جماعت سادسہ

جماعت سابعہ